Ойда жүрген бұл ойым бойдақтар мен эгоистерге, үйдің тұңғыштары мен түңғыштан соң дүниеге келген өзім секілді жандарға арналады. 

"Тұңғышым" деген сөзді естісек бірден үйдің алғашқы перзентін көз алдымызға елестетеміз. 

Тұңғышымыз дүниеге келгенде әулет болып қуанамыз. Ауыл болып тойлаймыз. Тұңғышымыздың әрбір қимыл, іс-әрекетіне мән беріп әңгімелеп қуанып отырамыз. Ол үйленіп өз "арбасын өзі сүйреп" кеткенше көзден таса болмасы анық. Есейген соң сол тұңғышымызға артынан ерген бауырларына қамқор болуды тапсырамыз. Оның жүгі ауыр. Өйткені ол  көш басында жүр. Басқаларына қарағанда тұңғыш. Соңынан ерген бауырлары тұңғыштың айтқанын істеп жүрсе олардың да жағдайы жақсарады. Өйткені қамқоршыға құрмет көрсете білетін адам ақылды жан. Тұңғыш болу оңай емес. Қисықтанбай, қыңырланбай, жақсы ой, таза ақыл, шынайы сенім бойыңа қалыптастыру бірлік пен берекеге жол ашады. Тұңғышымның айтқанын істеңдер деп басқа балаларыма жөн айтып отырамын. Қадағалаймын да. Қуанамын да егер сол бойы бірқалыпты алға ұмтылып жатса. Тұңғышым ертеңгі менің ізімді жалғастырушы. Оған құрмет маған құрмет. Маған құрмет имандылық бағында өскен ұрпақтың өзіне деген құрметі болып саналады. Тұңғышыма құрметті көрсетуші Аллаға шексіз шүкір! Алланың қалауы алғашқы сәбиімнің тұңғыш болуы. 

Түңғышым демекші бүгін сан ғасырлар бойы бабалар арманы егемен ел болған Қазақ елімнің Түңғышы, Тұңғыш Президенті, Елбасы Нұрсұлтан Әбішұлы Назарбаев бірімізге ағамыздың, бірімізге әкеміздің, енді бірімізге атамыздың туылғанына 75 жыл. Тұңғыштың жүгі ауыр. Біз тұңғышымызға қолқанат бола біліп, ұлтымыздың, еліміздің бірлігі мен берекесін арттырайық! Денсаулығы мықты,өмір жасы ұзақ болғай. Әлемдік сахнада Қазақты құрмет тұтатын дәрежеге жетеміз деп жетекшілік етіп келе жатқан істеріне табыс тілейік. Біз болып қолдап жүрейік! Алланың Нұры жаусын! Алла разы болсын! 

Менің тұңғышымның есімін Нұрсұлтан. СССР кезінде-ақ Елбасымыздың Қазақстанның болашаққа жетелеуші лидер екенін біліп Ол кісіге деген Құрметіміз ерекше болды. Сол сенім мен сыйластықретінде тұңғышымның есімін Елбасының құрметіне қойғанмын.  Ол 25-ке толды биыл. Лидерлік қасиеті бар, Аллаға шүкір! Ең бастысы иманы жақсы, Машаллаһ! Тұңғышым ғой.

Сабырлы болайық! Бір-бірімізге құрметпен қарап, сыйласып жүрейік. Алла бұйыртса,  Қазақ еліміз әлемге Үлгі болар Тұңғыш та Мәңгі ел болсын! Әмин!!!